較早前的周記、網誌：
http://qing_lin419.mysinablog.com/
2013年4月13日：點解[]
一直面對了很多查詢, 我都一直耐心回覆, 為方便結集成一份資料, 方便查看, 我自己斷章取義, 慢慢寫下來。
今日用了百二蚊由發泡膠回收場救佐一堆野返公社，有心罵戰的， 預佐可以問點解用勁達唔用蘋果， 日青你都係當搭平價的士之嘛， 用van 仔運送發泡膠不合成本效益， 點解唔車多幾個人由元朗去公社， 點解唔預約相熟member可能有順風車， 點解唔叫聖雅閣d 人來公社收要自己出去咁笨， 點解唔寫propsal 向機構拎funding 搞發泡膠回收， 救佐返來的物資送佐比邊個， 咁佢地有無夾返車錢， 呢百二蚊點解係sum / ryan 代收之後轉交 日青/ kelvin使用， 呢單野算係日青用佐定公社用佐， 又話呢筆係kelvin 同日青小費咁點解救雜物又係度出， 救雜物擺到明就係日青的娛樂點解大家要夾錢， 點解唔係今日跟隊既人夾而要動用公數， 點解唔係拎相架和發泡膠波的人夾， 佢地用公數的車費獲得方便， 點解唔係按佢地拎幾多野按比例貢獻返幾多， 點解我有野由元朗去公社又要自己出車費， 發泡膠場運野返去又要動用公社款項？ 呢筆錢日青話用就用， 有無問過公社三子同時同意， 三子又有無咩準則確保日青唔會亂用車費， 有無咩策略防止車費益佐自己友， 勁達蘋果其實係咪同日青有咩啦lung, 點解次次介紹人call 車都係一講就呢兩家
其實我想說, 就算車費一樣咁standard 的洗費, 也可以引起很多討論, 我比"有心人"先討論了, 好讓大家也明白這是很STANDARD的"質疑問話串"。
如果有誰要認同這些"質疑", 他就不會得到他想要的答案... 因為我的答案是"隨心"
2013年4月17日：有機農業[]
今日想講下, 有機農業對我的啟發 (有接觸過的會易明, 無接觸過的, 也請試下明XXXD)
一直對有機農產品也是半信半疑, 昂貴背後代表了什麼? 有機是對人體好還是對地球好? 直至零九年, 參與菜園村搬村運動, 認識了袁易天師傅, 才由一種更基礎的狀態了解"常規農業, 有機農業"是什麼。
常規農業, 大概是向種子行買種子, 向肥料行買肥料, 除草劑除虫劑還有很多很多不同的"農藥", 按"包裝上標示的指引", 進行耕作。
另一方面, 所謂"有認證有機農作"。向有機種子行買有機種子, 向有機肥料行買有機肥料, 有機除草劑有機除虫劑還有很多很多不同的"有機農藥"。向"有機公正行", 交代和keep 起所有文檔, 以茲證明, 是個有機農作。
但袁易天所介紹的有機農作, 是沒有"證明"的, 唯一的證明, 就是"認識生產者", 亦是一個了解及信任的機制。農作物腳鋪乾草, 保護泥面, 落雨時, 雨水/澆水時就不會把泥面壓實, 保持空氣流通, 乾草又可以作為小昆蟲的糧食及居所, 小昆蟲被大昆蟲吃了, 又會引來雀鳥/蛙類來生活, 動植物的代謝就是天然的肥料。種子當然不用買, 瓜瓜果果, 只要忍手唔賣, 忍口唔食, 老了就理所當然是下一代的種子, 而且帶著上一代的經驗, 面對氣候和地區病毒, 都有一定的適應能力。 螳螂沒有開一張invoice茲此證明一天滅了幾多虫施了幾多gram的肥, 小飄虫也沒有開工作卡證明清走了幾多芽虫。乾草省了農夫幾多翩土時間也很難證明。植物自己結的種子, 就更加沒有出世紙證明是己出的。這樣的有機耕種根本無發由文檔去量化紀錄。更無謂提"是否合格或評分"。
當然不是說"有認證的"不可靠, 而是, 認證的功用, 是針對"遠程介紹", 不能到場參觀了解的, 例如菲律賓小農民, 美國, 中國大陸的產品, 大家很難有機會親身去看去了解, 若由農民自稱是有機云云, 大家可以信也可以不信, 由第三者代大家去看看和了解, 消費者的信任, 其實是基於對這個第三者的信任。
然而這個第三者有機認證的基準, 你是否了解同意呢? 同意了才算是一個完整的信任, 不了解而又信任, 只是個人云亦云的信任。
"認識農業生產者"這種"有機確認"機制, 是很直接的, 沒有第三者, 信任就是信任, 因為相方的認識, 所以除了信任還有愛。農民愛護自己的農地, 沒有必要將自己的地置於死地。農夫認識客仔, 是個活生生的人, 很難可以餵之食有毒有害的食物。客人愛護好農夫, 付多一點的價錢, 除了是買起作物背後的所有生產成本, 也是給農夫的打賞, 希望他們不會因為其他利潤而放棄有機耕作。
當然耕作有全球幾千年文化和歷史, 有更加多的學派和方法, 去達至自然的平衡。也要透過了解, 才能知道運作是否值得自己支持。
oh yes IT's FREE 和公社為什麼選擇不去申請什麼團體什麼認證, 希望大家會有個了解才來建議。
2013年4月26日：免費[]
早前去了一個朋友的婚禮, 先生是西班牙人, 太太是香港人, 婚禮是個lunch buffet。
一對新人騁請了兩位樂手, 鋼琴和大提琴及主唱。奏著輕鬆的音樂, 有些賓客在高聲談笑, 似是享受愉快的氣氛。
婚宴中段, 有位專程由西班牙飛來參加宴會的朋友, 突然站到台前, 執起咪高峰, 說要唱一曲祝賀一對新人。
全場氣氛突然凝住了, 都在專注欣賞動人的表演。
同樣是歌唱表演, 一個收費一個免費, 大家的欣賞程度和尊重程度竟然會有這樣的不同。
2013年5月3日：公平[]
谷友問: 請問如果想送一些物品出來,怎樣能公平地選出人來,......? 日青答: freecycle本身是把自己無用的物品送給朋友親戚舊同事, 找不到人要才需要擴大網絡, oh yes IT's FREE 提供"街坊網絡", 接手你自己朋友都要不到的傢俬雜物 :)
有人以為抽籤是公平, 卻發現物件比了陌生人又再轉手, 很不順氣~~ 其實比了朋友, 就解決了公唔公平的問題了, 又或者認真地認識那個陌生人, 將之化為自己的朋友。有人批評"比自己朋友" 即是私相授授, 其實跟本送禮比相熟朋友就很正常~!
現在谷友問我, 如何面對有人轉售自己的物品, 我也會這樣答。把物品送給朋友, 什麼手機名貴手袋... 至少我這樣認為。有些少用的家電, 如果送了給朋友, 萬一再想借用, 也有個機會~~
2013年5月21日：徵意見之去邊度買好呀？[]
愈來愈多人在這谷"徵購物意見"
現實中，好多人都尋求權威，一係開宗明義：「如果谷主覺得唔適合，請刪」，一係垂死掙扎（即係爭持左一大輪最後話）：「谷主都未出聲，你咪咁多事啦」。
我曾經答過: 不如試下唔好唸日青比唔比， admin 有無出來話唔得， 呢度講咩得唔得。 如果用"咁樣好唔好， 對個社會好唔好" 來唸， 會唔會易d? 印花唔係唔得， 而係對個社會唔好。
罵戰雙方， 通常一邊說呢度無話得， 另一邊說呢度無話唔得。 日青咩都無講過， 大家就在猜日青比唔比。
梗係唔好買啦~ / 梗係去買啦~
呢個"梗係", 是沒有"得唔得"的, .... 只有個人價值, 和朋輩壓力。 不是日青比唔比你買野, 也不是個谷比唔比你問。
當你身邊多佐人講"梗係去XXX 買啦", 你會以為你別無選擇。 突然間有人提出, "梗係唔好去買啦"... 你會以為自己被排斥。
個谷只係想話你知, 唔一定要購買, 才可以獲得物資。
2013年5月31日：計畫與設計[]
這個故事我經常說:
大約十年前我參加了工聯會一個很不起眼的課程, 是關於木偶製作的。
參加這課程其實動機有很多, 當時剛轉工, 工作很煩卻又很悶之餘, 對面位的同事成日準時六點走, 很多工作都累積到我身上, 把心一橫不如搵個課程, 迫自己準時走。另一個原因是當時無拖拍, 生活確是有點悶。中學時很喜歡做手工, 所以就去報名了。
那時對於"找些冷門事務"感到很過癮, 所以就選了這木偶班。同一時間還有報了風箏製作。
想不到, 那個老師對我很大啟發, 到現在還"事無大小, 無微不至地"影響了我的人生觀念和做事心態。
她說, 打個比喻: 你心目中"設計"了一隻熊仔, 興高彩烈選布料, 填充物, 眼睛, 畫紙樣....
到真正做時, 因為種種原因 (例如紙樣出錯, 布料彈性不了解, 做做下唔夠料, 做做下擺底HEA 半年先做布料變黃), 有些是自己手藝未到, 有些是外國因素, 總之什麼都有可能。
於是, 你做的熊仔, 竟然是一邊手長, 一邊手短, 一隻眼高, 一隻眼底~!
如何去面對呢? 原來面對這個落差, 可以有一千種"心態": 嬲自己手藝不到, 抵賴外圍因素連累自己, 不承認它真是長短手, 責罵熊仔不會自己改善自己, 覺得長短手絕無問題.... 真係點睇都得。
.... 面對這個落差"做法"呢? 慢慢拆過再改又得, 推到從來又得, 由得佢, 收埋佢, 冷落佢, 當佢無事照樣搬上表演台... 又真係點做都得
老師教我地, 唔使咁煩架(心態上和做法上)~ 最緊要唔好嬲~! 照用佢來表演啦! 它一隻手長, 一隻手短, 就會有自己的特別之處, 也就會有你想也沒想過的性格特徵和故事。原來佢一邊手太長行路會一柺一柺的。原來佢拍手的姿態與別人不同。原來佢拎左邊物件方便點, 原來佢"抓癢"也與眾不同。 原來這就是"生命"! 這就是性格!
你迫佢/期望做"正常熊"做到的事, 佢做唔到自己好嬲, 又嬲隻熊仔。又或然者明明是長短手又扮無事, 個表演就會很沒有說服力(很假也不順)
要時刻留意觀察, 木偶的"自我發展"(講到好玄, 好似有鬼咁), 才會演得出最有生命的一台戲。 . . . . 本來我"安排"我自己去這個課程的"原意", 跟我的"得著"已有很大的出入。要執著嗎?
2013年6月15日：全民大煉鋼[]
我早幾日在收買佬用10蚊救了一個不鏽鋼筲簊~ 十分聚手~ 六四那天, 我為了去執膠樽, 在家品點買了一個麵包夾, 十二蚊, 鋼水咋到爆~
鋼水好的, 拎去回收掂, 很值錢呵?!找產品研發部, 找出用最差最少鋼料的方法, 只要能說服零售買手入貨, 就可以賺最多的錢, 很合理呵?
有回收場的姨姨告訴我, 她們有收電器產品, 拆掉金屬部份可以賣錢。她們已經"演變到", 粗的耳機聽筒線才去拆, 幼的就拆埋都無肉食, 不如送比人用啦~~
這種"利潤最大化"的習俗, 成就了新一輪的"全民大煉鋼"... 金屬如是, 木頭如是, 電器如是~~