FANDOM


新手再入門,唔好行頭敗家Edit

商家要賺得最大利潤;要造成過度消費的方法就是「令顧客買得舒服就手」,唔覺得有問題,中左招都唔知。

如果真係價廉物美,使乜搞咁多花臣(打亂價,印花,滿XXX就X折,滿XXX就抽獎,送出嚟係浪費少左嘢定係浪費多左嘢)。

由其當企業造成壟斷,物價高昂同時,過高的標價令我哋買物品的同時也買埋垃圾。 (點解商鋪有條件浪費咁多嘢?)

長遠要有改善就要好似戒毒癮咁,過程係辛苦,每個人都有責任去解決的問題。這是我們基本立場。

作為"環保"的街坊自發社群,在人數愈來愈多的時候,不知者愈來愈多,有需要表示基本方向、進行教育交流,減除灰色地帶,繼續OH YES ITS FREE~~。

正方向
  1. 冇需要就放,有需要就攞
  2. 使用回收物料手作研究(升級回收)
  3. 修復相關研究、購買。
  4. 感謝貼文/正面貼文
  5. 免費技術提供(最好由教的人直接出貼文)
  6. 替代方法
  7. 待續
反方向(增加消費....)
  1. 市場手段(儲乜儲物,印花,飛行里數,優惠卷,禮卷)
  2. 消費詢問
  3. 明示暗示名稱廣告,免費換取知名度換取廣告效益(讚好,偽免費)
  4. 待補

搞衰個谷 大家冇著數 我地冇人手/也不會浪費時間去做 刪嘢 /監視 每個人自己本身就有管束和監察自己的能力

即係話個谷能否繼續有效配對 掌握在每個人願唔願意忍手 愛護此谷

KY角度寫OH YES ITS FREE!!!Edit

篇嘢係以我角度去寫 Oh yes its FREE!!!(沒中文名) 是日青 二零一二年七月創立的Facebook群組 原因係佢細佬有張床唔要(因為正常生活轉變)*註 (*正常生活轉變= 細路大左 , 少左工人 ,D位唔夠用 ,大屋搬細屋等) 問左香港十幾個平台、團體都冇人收。 而且受到<What's mind is yours>一書入面講嘅"合作消費"啟發,嘗試發揮人與人局部信任所產生的威力,減少物資上的浪費,重用係接近最好的方法。 想減少購買從而減少過度生產,重用之餘結合 代替使用、減少閑置。 高效自然環保 環保自然高效


其後以我分析點解免費,金錢、成本成為了障礙 (標價令物品濟留加上地租成本標價又繼續無謂地更貴等等相互效應、惡性循環。) 件嘢又掉左,就算重用到都已經要大量成本。

個群組最初只有簡單目標:環保徵送,而且過程免費。

咁果時日青加入嘅係佢之前識落環保朋友,送嚟送去嘅嘢都比較簡樸。(禮盒 餅罐 玻璃瓶 膠樽蓋)

一個月定唔知兩個星期去到500人,嗰時 有個凍倉倉主唔要5噸紅蘿蔔、7噸薯仔。(是但搜尋 "五噸紅蘿蔔" 大把新聞) EVENT: http://www.facebook.com/events/347510161997567/permalink/348414058573844/ 因為日青善用了網絡媒介,令事件得到宣傳,一下子增多了一千人

我Kelvin Yip就係嗰陣時貪著數就去左攞,因為本身都好鬼窮,橫掂都係掉食成個星期都好。攞左廿十四Kg 嗰時我同Ryan去到,見到派嘅人只係得三個啊叔啊嬸搬D急凍食物已經二話不說幫手搬到尾,果時就係第一次見到日青。最後現場總指揮直頭當左我地係報左名嘅義工(苦笑)。

跟著Ryan同日青pm通訊了一個星期,之後就我地就喺個谷有一千六百人時加入了。

插入 公社來源 最初最初係有公社依個地方先, 前年10月我地參與佔領中環 成個運動核心都係反思依家個社會過程的自省,帶動左我地去搞 無莊青年公社,用一個地方改善社會。依家咪好興快閃嘅 其實 果時喺中環呢 我地搞過三次 禮物墟 你上GOOGLE都會搵到:http://hk.apple.nextmedia.com/news/art/20111121/15819758 將自己嘅家當 冇乜用嘅 放哂出嚟 果時禮物墟係講緊前年11~12月左右 我地搞禮物墟係有深厚嘅思想 搞之前討論左40個鐘左右 超級濃縮就係話 點樣連結人同人 去引發奇蹟 多D信任 合作減少消費 減少浪費 資源運用更高效 窮人冇咁辛苦 之類 果時搞唔成 覺得個理念傳達唔到 果時中環最多係外傭姊姊 而我地D家當有限 如果要有完整教育 傳達個概念 要搞好多好多次先得 所以結果喺教育層面上係失敗左 搞到第四次都係得我地自己送嘢 已經係象徵式去搞 咁 禮物經濟 理論只係佔成個佔領中環實驗的一小部份 公社有責任繼續宣傳、推行我們試過又好嘅模式。


日青份人好過癮嘅 佢專注於環保 一味諗"做" D咩 有"咩方法" 我地介入之後 大家找到個交差點 我地好清楚自己做緊咩最初公社係分得好清楚 日青只係關OH YES事 KELVIN YIP等人只係關公社事 我地個場係諗過做好多嘢嘅 同日青合作果排冇乜嘢搞 我就提出不如搞FREESPACE日青佢自己會做一D環保手作 會用到場地 咁佢就每日放工八點坐一個鐘頭車來公社 嚟兩個鐘 再坐個半鐘頭車翻屋企 佢坐車嚟嘅時間仲多過做嘢 維持左成個月

果時日青有全職工收入很不錯 我翻兼職夾2000租 因為公社依個計劃大家係想做有意義嘅事 上年3月租以來 我地公社成員都會自己翻工夾錢 場地係方便大家一齊多d ,唔知大家信唔信,長期生活交流都一齊,互相了解會多左,人同人會有磨合,最終能共融,即使彼此確有不同。 做咩都要商業登記,故霸氣無限公司就成立了 做過D咩 例如試過搞良心速遞公司 見到葵涌依頭好多惠康 覺得咁樣壟斷唔掂 想發展高效D嘅網購運作模式 但投資左約八千元 本都回唔到 D貨也一早過哂期

差唔多八月 FREESPACE 開始 基本上都仲係翻緊工夾緊租 計劃本身就係咁 第一個月收1400蚊 (冇記錯的話) 其實公社嘅錢係搞乜東東 就係大家用到個場地就要夾租 日青有使用 就夾 我地決定用嚟送嘢畀人 就夾 之後大家判斷 噫 依個計劃有得諗喎 唔係話想賺咩大錢 只係想喺人生入面做有意義嘅嘢 又唔使打份好沉悶嘅工 點解公社之前寫話營運經費係14000 租金連水電係14000左右 但其實條數式係 14000/總使用場地者 可能係五個 我同日青要夾6000租就喺FREESPACE計劃度夾 14000-6000 =8000 係FOR車費 維修 等 關於計劃嘅雜費 我地KEEP齊月結單 KEEP齊收據 因為要計有幾多錢用 喺OH YES夾到幾多錢 公社成員都會繼續翻工夾 之所以點解佢地好似好負面 我同日青 只係夾到MIN PAY就OKAY

所以大家夾出嚟 係我同日青 交租嘅一份 而我地都接受左唔會有人工 其他人等緊個機會 資金夠嘅話 可以全職投入FREESPACE 或其他計劃 因為好玩又有意思

但唔係個個都有條件接受到冇人工 所以以後 我自己也會沒人工 但如果有人想加入呢 佢地會有錢 (我巧合多兄弟姊妹,啊媽唔使我擔心,但其他人唔係)

有人覺得OH YES冇關係 有人覺得不可分離 最大的分水嶺 就係日青無端端畀人一星期通知炒左

之前佢每個月送開2000蚊貨做合作消費 我就叫佢嚟公社一齊搞環保啦 我地兩個一齊搞 如果收到3000蚊已經好好 結果真係收到3000 我果時得一個人 做哂安排 自己去搬嘢收嘢 去到極限 日青加入得好合時 跟著我地諗法上有好多撞擊 CROSSOVER 公社對OH YES的意義 很間接

例如清場 好多關於分配正義方面嘅嘢 日青唔會諗 只係單純話先到先得 會有好多問題

係有公社之後 先開始有清場 而且發現原來有好多人都唔用FACEBOOK 我每日聽3~4個電話係關於有傢俬掉 佢地有時會自己POST 有時會要我幫手

因為公社做大左OH YES個餅 之前有單好離譜 物主連電器都話怕冇人要 而OH YES可以擴大認知(電器好多人要啦) ,公社則增強效果。

分析翻OH YES 最大特點就係背後有公社 同埋日青堅持嘅無為而治 除此之外真係冇乜特別

有半數打完電話嚟,有能力的就自己POST傢俬相片送畀大家,但冇透露係經我宣傳而送。

快閃我從來都冇去過,但唔知大家有冇印象,第一次寶林快閃,個名叫做[快閃公社分站],主辦人講到明係參考公社,模擬翻公社運作。

我地之後就同佢講 為了有更好更自由的發展 不用加上"公社"兩個字 所以之後快閃都係依家咁嘅名。

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.